पाल्पा 

​

१.

प्रकृतिको पाएर शृङ्गार नन्दन वाग झैं

आह्लाद मधुर सुन्दर राग झैं

स्मृतिको कन्दरामा बस्यो पाल्पा

मस्तिष्कमा लेखियो नमेटिने याद भै
२.

दक्षिणमा चुरे, महाभारत उत्तर

हवामा छ उडेको गुलाबी अत्तर

मन हर्ने चन्चलता खोलाहरूमा

सिन्दुरे लाली हर प्रहर

३.

तानसेन हाम्रो अहा ! राम्रो दख्खिन मुखमा

घामले सधैं उज्यालो पारी बसेको सुखमा

पहाडी रानी झलल्ल बनी बिहान साँझमा

बसेका छन् अमिट छाप मुटुकाे माझमा